ملخص مؤتمر أبل ‪WWDC15‬

ملخص مؤتمر أبل ‪WWDC15‬

1 – حالياً في ميزة جديدة في iOS 9 وهي إنك تضيف محتوى من متصفح سفاري أو الخرائط أو أي تطبيق تاني مباشرةً للـNotes

2- تطبيق Notes هيبقى متوفر للماك, آي باد, آي فون.

3 – تطبيق Maps هيتضاف ليه مميزات كتيرة زي شكل جديد لعرض الإتجاهات للقطر أو الباص أو أي وسيلة مواصلات وهيبقى متاح الميزة دي في أغلب المدن حول العالم إللي الناس بيزوروها كتير وهيكون بيدعم 300 مدينة فالصين وهيسمحلك بإنك تعرف أماكن المطاعم , السوبر ماركتس..الخ إللي قريبة منك

4 – في تطبيق جديد في iOS 9 إسمه News ومن مميزاته إنه بيسمحلك إنك تختار المواضيع إللي تجيلك عنها أخبار حسب إهتماماتك, المقالات هتتعرض بشكل جميل ومتميز, وتطبيق News هيوفرلك أجدد المواضيع والأخبار إللي بتحصل في الأوقات الحالية, وNews بيضم مجموعة من أشهر الكٌتّاب في مكان واحد وهو تطبيق News, وده بيديك سهولة أكتر في متابعتهم, وكمان تطبيق Newd هيتضمن أشهر المجلات, وأفضل الناشرين زي The New York Times, ESPN, Condé Nast وأكتر هيكونوا موجودين في News.

5 – المميزات الجديدة للكيبورد بتاع iOS 9 بتخلي الكتابة أسهل, زي الـShortcut Bar وتقدر لما تستخدم كيبورد خارجي مع الـiPAD إنك تستخدم الـShortcut Bar.

6 – في iOS 9 بقى متاح مميزات جديدة للـMulti-Tasking وأدوات تقدر تخليك تفتح أكتر من تطبيق في نفس الوقت, وكمان لما تسحب من الجمب تقدر تنتقل للتطبيق إللي كنت فاتحه بعد أو قبل التطبيق إللي إنت فاتحه حالياً.

7 – ميزة الـSplit view تقدر تخليك تفتح تطبيقين في نفس الوقت وفي نفس الشاشة.

8 – في iOS 9 تقدر تتصفح أي تطبيق تاني وتسيب فيديو شغال بصورة مصغرة على أسفل الشاشة.

9 – تطبيق Health الجديد في iOS 9 بيسمحلك متابعة كل شئ حول صحتك من أول تمارينك لحد قد إيه بتشرب مية.

10 – Carplay بإختصار, طريقة تقدر تخليك تستخدم الآيفون الخاص بك وإنت في عربيتك منغير ما تطلعوا من جيبك وبسهولة تامة.

11 – الـDeveloper beta لـiOS 9 هتكون متاحة من النهارده والـPublic beta هتكون متاحة في شهر يوليو لكل الناس.

12 – Swift بيدي طريقة للمطورين أسهل إنهم يطوروا تطبيقات للـOS X والـiOS من خلال إنه شغال بلغة واحدة بس.

13 – الـApp Store قدر إنه يدفع للمطورين إللي بينشروا تطبيقاات عليه 30 بليون دولار.
مش لكل مطور 30 بليون دولار, لأ ده المجموع.

 

ملخص مؤتمر أبل ‪WWDC15‬

#WWDC15