كيفية تنصيب سوفت وير لأجهزة سوني

كيفية تنصيب سوفت وير لأجهزة سوني

 

(1/3)
أول حاجة هتحتاج تحمل

برنامج Xperifirm إللي هنحمل منه السوفت.
حمله من هنا

حمله وفك الضغط وبعدين إفتح البرنامج.
هتلاقي ظاهرلك قائمة عالشمال زي فالصورة

q

دور على موبايلك وإختاره.
هيظهرلك تحتيها قائمة صغيرة بيسألك عن نسخة موبايلك.
إختار الموديل بتاعك.
هيظهرلك قائمة بلدان زي فاالصورة دي
a
دوس على Check All إللي متعلمة فالصورة.
إستنى لما يخلص, هيظهرلك دلوقتي كل بلد وصلها أحدث سوفت وير
للعلم الترتيب من فوق لتحت في البرنامج, بمعنى أحدث سوفت نازل بيبقى فوق والأقدم بيبقى تحت.
بس مش هتفرق لو هو هو نفس الـBuild number إللي هو مثلاً 10.6.A.0.454 إللي فالصورة

z

دوس على البلد إللي عايز تحمل السوفت بتاعها هتظهرلك على اليمين خالص قائمة صغيرة فيها أرقام الـSoftwares إللي نزلت للبلد دي قبل كده, إللي فوق برضوا هو الأحدث.
دوس عليه دوسة واحدة.
هيقولك عايز تحمل السوفت فين؟ حدد المكانو إستنى لما يخلص.
وسيب العلامة إللي على Unpack automaticly متشيلهاش.
(3/2)
دلوقتي بعد ما خلصنا تحميل هنحتاج آداة الفلاش تول.
حملها من هنا

وسطبها, بعد كده لما تيجي تفتح الآداة هتلاقي بيطلب منك تنقل ملف معين.
كل إللي هتعمله.
إنك تخش على الـC وبعد كده هتلاقي فولدر إسمه Flashtool, خش عليه هتلاقي فولدر إسمه Firmwares, خد الفولدر ده Cut.
وروح للـC تاني وخش على Users.
بعد كده خش على الفولدر إللي بإسم جهازك, زي منا جهازي إسمه Ansgy مثلاً, إنت لو جهازك إسمه Folan مثلاً هيظهرلك فولدر بإسم جهازك, خش على الفولدر ده هتلاقي فولدر إسمه flashtool. إدخل الفولدر ده وإعمل لفولدر Cut firmware هناك.
دلوقتي إرجع للبرنامج تاني ودوس للرسالة Ok, هتختفي ومش هتظهر تاني.
بعد كده روح للـC تاني وروح لفولدر Flashtool وبعد كده Drivers, هتلاقي ملف تسطيب, هيطلب منك في خلال التسطيب تحدد حاجات تسطبها, إختاار أول حاجتين وبعد كده دور على إسم جهازك عشان تسطب تعريفه, لو مكسل تدور حدد كله وخلاص. grin emoticon
دلوقتي بقى في البرنامج روح للقائمة إللي فوق وإختار Tools بعد كده Bundels بعد كده New
بعد كده دوس على الزرار إللي جواه 3 نقط وإختار مكان الفولدر إللي إتحمل فيه السوفت.
بعد كده في خانة Device دوس دوستين وبعد كده دور على إسم جهازك, هيسألك بعديها الموديل, إختار موديلك.
بعد كده في خانة Branding إكتب إسم البلد إللي إنت حملت السوفت بتاعها بالإنجليزي.
وفي Version إكتب الـBuild number إللي هو الأرقام والحروف اللي ظهروا فالأول لما دوست Check All.
بعد كده هتلاقي في المربع الكبير تحت ملفات السوفت إللي إنت حملتها, حددهم ودوس على <- بمعنى نقلهم للجانب الأخر, عشان تضيفهم لملف السوفت, وفي ملفات في النص كده هتلاقيها موجود في أخر إسمها .ta دي متضيفهاش للنحية التانية.
بعد كده دوس Create وإستنى شوية.
الموضوع هياخد وقت إصبر.
(3/3)
دلوقتي بعد ما عملنا ملف الـFTF مش ناقص غير إننا نفلشه.
(لو جهازك سليم وشغال)
خليك فاتحه وموصل الموبايل.
بعد كده دوس على علامة البرق إللي فوق اللي فاالصورة دي

f

وبعد كده هيظهرلك قائمة إختار Flashmode ودوس OK.
بعد كده هيظهرلك قائمة تانية, دوس فيها على المربع إللي فيه معلومات السوفت إللي إنت عملت ملفه.

w

وبعد كده دوس Flash.
هيظهرلكINFO – Preparing files for flashing
إستنى شوية لما يخلص.
بعد كده هيظهرلك الرسالة دي

u

شيل الوصلة وإقفل الموبايل.
إستنى لما يقفل خالص.
إفضل دايس على زرار الصوت من تحت كأنك هتوطي الصوت, ووصل وصلة الموبايل, أول ما الموبايل يتهز سيب زرار الصوت.
دلوقتي البرنامج هيبدأ عملية الفلاش, أول ما يخلص شيل الوصلة وإفتح الموبايل.
(بالنسبة بقى للي موبايله حصله Soft brick.
الفرق إنك لو موبايل بيفتح الضهر تشيل البطارية وتحطها تاني عشان يقفل تماماً ودوس توطية الصوت وحط الوصلة وإستنى الـVibration, أو لو الضهر مبيفتحش والموبايل بيعمل ريستارت لوحده كل شوية, إستنى لما يقفل ودوس على توطية الصوت ووصل الوصلة وإستنى الـVibration.

 

 

كيفية تنصيب سوفت وير لأجهزة سوني

كيفيه تثبيت سوفت وير لهاتف سوني

اترك رد

لن يتم نشر عنوان بريدك الإلكتروني.

Mohon Aktifkan Javascript!Enable JavaScript