شرح الـ osi Open System Interconnection

- الإعلانات -

Open System Interconnection

و دي ببساطة ازاي الـبرامج بتاعتك بتتعامل مع الشبكة عشان تنتقل من جهاز لجهاز تاني
علم الشبكات اتبنى أو بيتمثل بـ Layers
1- Application Layer
2- Presentation Layer
3- Session Layer
4- Transport Layer
5- Network Layer
6- Data Link Layer
7- Physical Layer.

نمسكهم واحدة واحدة كدة و نشوف كل Layer مسئولة عن ايه

osi

Application Layer

زي ما واضح من الاسم ان دي الـ Layer اللي أنا من خلالها بقدر أتعامل مع البرنامج “سواء Fire Fox أو Google Chrome أو حتى Skype” ، أو بمعنى أخر دي الواجهة الرسومية للبرنامج اللي أنا بتعامل معاه ، في الـ Layer دي مبهتمش بلغة البرمجة اللي البرنامج اللي أنا بستخدمه متبرمج بيها.

Presentation Layer

و هنا الـ Layer دي تعتبر هي هي الـ Layer اللي فوق بس مع أختلاف المنظور ، فوق أحنا كنا بنبص على البرنامج من خلالنا أحنا من خلال الـ user اللي بيتعامل ، أنما الـ Layer دي فبنبص بيها للبرنامج على من خلال الكبيوتر نفسه ، بنشوفه بالـ Machine Language اللي هي 0 و 1.

session Layer

و هنا في الـ Layer دي أنت لما تحب تبعت Data مثلا من جهاز لجهاز تاني على نفس الشبكة من خلال الـ Share مثلا ، بيجي دورها هنا و هي انها بتفتح قناة اتصال بين الجهازين.
بمعنى: أنت لما تيجي تطلب مني قلم و في مسافة ما بينا ، ف أنا لما أجي أشقطلك القلم دة ، بقولك أشقط فـ أنت تنتبه و تبدأ تستقبل مني القلم.
أهو كلمة أشقط دي هو بالظبط دور الـ Layer دي ، تقدر تقول كدة بتعمل ثيم مابين الجهازين عشان يفهموا بعض

 Transport Layer

و هنا بتبدأ الـ Layer دي تقطع الـ Data بتاعتنا اللي هنبعتها لـ Segments أجزاء صغيرة ، و الفايدة من الموضوع دة هو أنك لو بتبعت فيلم مثلاً و اثناء عملية النقل جه في أخر Bit بتتنقل حصل فيها error فبكدة هتكون العملية كلها فشلت ، عشان كدة بتقطع البيانات بحيث لو Segment حصل فيها Error يبقى سهل أنها تتبعت تاني من غير أي مشاكل.
الموضوع دة كله أنت مش ليك دخل فيه ، كل دة بيحصل تلقائي و عملية التأكيد من عدد الـ Segments اللي اتبعتت و سلامة كل واحدة فيهم بتتعمل تلقائي بردو

Network Layer

و هنا بتبدأ الـ Layer دي تغلف الـ Data بتاعتي بالـ Ip بتاع المرسل و Ip المرسل اليه
Source IP & Destination IP
تقدر تعتبرها زي مكتب البريد كدة بتحط الجواب بتاعك في ظرف مكتوب فيه عنوانك و عنوان الراجل اللي أنت باعتله

Data Link Layer

و هنا بتبدأ تغلف الـ Data بالغلاف الأخير بيبقى مكتوب فيه الـ Mac Address بتاعك و بتاع الشخص اللي أنت باعتله.
و هنا نقف عند ملحوظة مهمة:
ايه هو الـ IP Address و ايه هو الـ Mac Address:
IP Address: ==> Logical Address
و هو عنوان وهمي يمكن تغييره بتديه لجهازك بحيث الراوتر يقدر يفرق بين الاجهزة المختلفة اللي على نفس الشبكة.
Mac Address: ==> Physical Address
و دة عبارة عن العنوان الحقيقي لكارت الشبكة بتاعك و بيتكون من 12 حرف بالـ Hexa Decimal أول 6 حروف أو أرقام منهم بتدل على الشركة المصنعة لكارت الشبكة دة و الـ 6 الباقيين بتعتبر زي بصمة او علامة مميزة للكارت بتاعك.
الرقم دة بيبقى محفور بالليزر على الـ Chip بتاعة كارت الشبكة بتاعك.

 

 Physical Layer

وهنا تبدأ البيانات بتاعتي تتنقل من كارت الشبكة بتاعي و تتحول لكهرباء تتحرك في كابل النت اللي في النهاية متوصل بالراوتر اللي بدوره بيقوم بعمل مكتب البريد و يبدأ يعمل توجيه للاشارات بتاعتك دي بناءً على اللي مكتوب على الظرف من Mac Address و IP Address لغاية ما توصل لصاحبها.
و هناك تبدأ المرحلة المعالجة العكسية
بحيث يبدأ كارت الشبكة اللي هناك يحول الـ Signals اللي جاياله من كابل النت لبيانات و بعدين تطلع فوق للـ Layer اللي فوقيها يبدأ يشيل منها الظرف أو الغلاف بتاع الـ Mac Address و بعدين تطلع فوق كمان يبدأ يشيل غلاف الـ IP Address و بعدين تطلع فوق للـ Transport Layer تبدأ ترتب الـ Segments من تاني و تحط كل واحدة في مكانها و تخليهم ملف واحد من تاني
و بعدين تطلع فوق للـ Session Layer تقفل قناة الاتصال اللي فتحتها و بعدين تطلع في الدور اللي فوق ، البيانات تتجمع تبقى أصفار و ووحايد “0و1” و بعدين تبدأ حضرتك تشوف البرنامج أو الفيلم اللي نقلته في هدوء و سلام