كان لنا الشرف بتقديم حوار مع بشمهندس اسامه الزيرو مقدم واحدة من اقوي الدورات العربية لتعليم تصميم و تطوير الموقع من الصفر حتي الاحتراف مجانا علي علي القناة الخاصه به علي اليوتيوب
يتميز بشمهندس اسامه بالخبرة الكبيرة في المجال و الموهبة في تقديم المحتوي بشكل يناسب جميع الاشخاص بدون حتي المعرفة السابقة في المجال وهذا طفرة في المحتوي العربية التعليمي
العناوين الرئيسية
حدثنا عن نفسك
مش بعرف اتكلم عن نفسي كتير لكن هقول اني واحد عاشق للكود بدات حياتي مع الكمبيوتر مع الدوس و Windows 1.1 و عشت حياة الكود من زمان جدا من يوم اشتغلت على برنامج See لتشغيل الصور من الدوس كانت حياة جميلة و كنت حابب جدا الكود من زمان لكن للاسف ضيعت سنين من حياتي في حاجات كتير مفادتنيش في حاجة زي اني دخلت لغات ملهاش لازمة و دخلت مجالات مش هتفيدني و استغليت الوقت غلط كتير لكن الحمد لله بعد سنين طويلة فوقت و بدات احاول اني انسى الوقت اللي ضاع مني و ابدا حياتي صح و اتعلم صح و اتخصص في حاجة بحبها.
انا اسمي اسامة محمد السيد خريج معهد خدمة اجتماعية بكفر الشيخ ساكن في القاهرة و حاليا بشتغل في الرياض حلم حياتي اني اوصل لمرحلة كبيرة جدا من العلم و اقدر افيد الناس و اعلمهم بالطريقة اللي اتعلمت بيها
ما الذي دفعك لتكون مصمم ويب
انا في الاساس مبرمج و بحب البرمجة اكتر و كل اللغات اللي مريت عليها في حياتي كانت لغات برمجة سواء سبتها او سواء لسه بتعلمها لحد دلوقتي اما بخصوص تصميم الويب لما لقيت التصاميم غير زمان تقدر تتعامل معاها بالكود و مش هتبعدني عن حبي للكود لقيت ان الموضوع جميل و مسلي و بيطور مستوايا في الكود و في نفس الوقت بتشوف قدامك اشكال بتتحرك و حاجات جميلة و لقيت موضوع التحدي حلو انك تعمل كل حاجة بالكود و انك ترسم بالكود كانك جوة برنامج جرافيك
ما هو اهم موقع انشأته
انا عملت مواقع كتير لكن كان في منها مواقع مش مهممة و مواقع مفادتش حد بعتبر اشهر حاجة عملتها هو منتدى عالم الزيرو الحمد لله خد شعبية جامدة زمان و كنت متوقع ليه مستقبل كويس لكن للاسف سبته بسبب ان المجال اللي كنت متوقع يمشي فيه المنتدى ممشيش و الناس حولت مساره خالص لطريق انا مش عاوزه علشان كدة سبته و بعته و بعدت عن المواقع و انشائها
هل تعتبر التصميم هواية ام عمل
زي مقولت سابقا انا هرد على السؤال كانه تصميم و برمجة انا بعتبره اسلوب حياه مش هوايه ولا عمل يعني انا بشتغل دعم فني في داتا سنتر شغلانه ملهاش علاقة بالمجال لكن انا بحبه و حتى لو بعدت عنه تماما في شغلي و حياتي هفضل احبه بعتبره اسلوب حياتي كل حاجة قدامي بحب اشوفها منظمة كانها موقع ويب او برمجة لما اجي احسب فلوس و انا بشتري مثلا بحسبها بطريقة كانه ملف برمجي حابب جدا ان البرمجة تكون اسلوب حياة و التصميم كمان
لماذا فكرت في عمل دورة لتعليم تصميم و برمجة المواقع
الموضوع مكنش في بالي خالص و كنت مستحيل اعمله رغم اني زمان جدا كنت بعمل شروحات في معهد ترايدنت لما كنت مراقب فيه لكن شوفت شوية كورسات عربية مليانه اخطاء و ناس بتعلم غلط و مصممين يخلوا الناس نمطيين زيهم و شوفت المنتديات و المواقع الاجنبية بتتطور و بعض الناس من الي بيشرحوا بيرجعوا الناس لورا و صعب عليا الشخص الل بيتعلم و قولت لازم اعمل حاجة علشان اساعده و عملت كورسات و حاولت بقدر الامكان يكون الكورس عربي لكن على النهج الاجنبي انه ميسيبش معلومة و يفصل كل شيء و الحمد لله و الفضل لله الكورسات الناس بتشكر فيها جدا و دة من فضل الله بس و نعمته عليا و بحاول انا كمان اطور من نفسي جدا لان كل متطورت الكورسات بتطور معايا و الافادة بتزيد و ربنا يعيننا جميعا
بماذا تنصح متابعين شروحاتك
انصحه ان يكون متجدد و يبحث و يبعد تماما عن ان اي مشكلة تواجهه يروح يسال علطول يدور و يبحث و يجرب مرة و اتنين و عشرة علشان يكون مبدع و ميعتمدش على حد لحل المشكلة و بنصحه انه ميعملش نفس اللي بعمله بالظبط مش نفس المحرر يشتغل عليه مثلا ولا يقلد ينصحه انه يفهم و لو فهم يعمل كل حاجة بطريقته شوفت ناس كتير بتعلم يقول للمتعلم لازم تشتغل على المحرر دة ولازم تستعمل دة و دي مشكلة هتخلي الشخص يحفظ و مش هيفهم للاسف علشان كدة حاولت ابعد عن الحاجات دي في التعليم
ما ترتيب الكروسات الصحيح الذي تنصح به متابعينك
الى الآن معملتش ترتيب كامل و جدول صحيح لان في كورسات لسه مخلصتش للاسف لكن عملت بوست هنا فيه الترتيب الصحيح للكورسات اللي انتهت و اللي تؤهل الشخص انه يبدا طريقه في عالم الويب
تعلم Html باحتراف
تعلم Css باحتراف
تعلم كيف تكتب كود Html + Css صحيح و تفادى الاخطاء التي يقع فيها الكثير
بعد التعليم قم بعمل تطبيق من الصفر على الذي تعلمته
بعدها يمكنك تعلم و احتراف ال jQuery
ومتابعة باقي الدورات علي حسب المجال الذي تريد التخصص فيه
بماذا تنصح المتخرجين من مدرسة الزيرو لتعليم تصميم وبرمجة المواقع
انصحه بانه ميقفش على كدة و ينسى تماما الكلمة اللي ناس كتير بتقولها و هي انا خلصت لغة كذا كذا مفيش حاجة بتخلص كل يوم بينزل جديد التخصص حلو و التعليم حلو و لو فضلت تتعلم كل يوم هتعرف معلومات جديدة و التجارب هتديلك افكار مستحيل تجيلك لو مجربتش و حاولت و الابداع برضه مش بييجي غير بالتجارب
ما رايك في موقع ومدونة ديف فيلد
مدونة ديف فيلد دوت كوم هي مدونة جميلة تصميمها انيق و فيها مقالات جميلة و منظمة و شاملة مجالات كتير تخلي المتابع صعب ميلاقيش المجال اللي بيحبه فيها + اسمها معبر و جميل
الكورسات التي يقدمها اسامه الزيرو
قائمة خاصة بتعلم لغة بناء هيكل الويب Html الإصدار الرابع.
قائمة خاصة بتعلم لغة بناء هيكل الويب Html الإصدار الخامس.
قائمة خاصة بتعلم لغة Css لتصميم صفحات الموقع وعمل الألوان وتعديل الخطوط المستوى الأول والثاني.
قائمة خاصة بتعلم لغة Css لتصميم صفحات الموقع وعمل الألوان وتعديل الخطوط المستوى الثالث.
دروس منوعة ومتقدمة في لغة Html + Css وهي مهمة جدا لتطوير مهارتك في اللغتين ومعرفة الكثير من المعلومات المهمة.
Create A Website From Preview Lv1
عمل تصميم موقع كامل من مشاهدة ملف ال PSD أو الصورة الخاصة بالتصميم. التصميم المستوى الأول.
Create A Website From Preview Lv2
عمل تصميم موقع كامل من مشاهدة ملف ال PSD أو الصورة الخاصة بالتصميم. التصميم المستوى الثاني.
Create A Website From Preview Lv3
عمل تصميم موقع كامل من مشاهدة ملف ال PSD أو الصورة الخاصة بالتصميم. التصميم المستوى الثالث.
Create Responsive Web Design Without Framework
تعلم كيف تقوم بعمل تصميم موقع كامل متجاوب ( Responsive ) بدون أي إطار عمل.
دروس منوعة وأسرار عامة في عالم تصميم المواقع.
Multilingual Website Best Practice
المعايير السليمة وأسرار كيفية عمل موقع متعدد اللغات من ناحية التصميم.
تعلم كيفية تخطيط تصميم الموقع قبل البدأ في تنفيذه.
Design Using Bootstrap 3 Design 1
تعلم كيفية تصميم موقع كامل بإستخدام اطار العمل Bootstrap الإصدار الثالث التصميم الأول.
Design Using Bootstrap 3 Design 2
تعلم كيفية تصميم موقع كامل بإستخدام اطار العمل Bootstrap الإصدار الثالث التصميم الثاني.
Design Using Bootstrap 4 Design 1
تعلم كيفية تصميم موقع كامل بإستخدام اطار العمل Bootstrap الإصدار الرابع التصميم الأول.
تعلم كيفية استخدام لغة Sass لتضيف الكثير من المميزات الرائعة على لغة CSS وتوفر الوقت والجهد.
تعلم كيف تستخدم لغة Sass في عمل موقع كامل وكيف تستعمل كل الخواص الموجودة في اللغة بسهولة.
تعلم نواة لغة JavaScript كاملة لتدخل للعالم الخاص بها.
تعلم كل ما يخص ال Html Document Object Model الخاص بلغة JavaScript كاملا.
تعلم كل ما يخص ال Browser Object Model الخاص بلغة JavaScript كاملا.
JavaScript Examples & Tutorials
تطبيقات عملية على لغة JavaScript لتطوير مهارتك في اللغة..
تعلم أشهر المكتبات المبنية على لغة JavaScript وهي مكتبة jQuery الرائعة..
تطبيقات عملية على مكتبة jQuery لتطوير مهارتك فيها..
كورس كامل للتطبيقات العملية على مكتبة jQuery لتطوير مهارتك فيها..
تعلم لغة PHP كاملة وتعرف على كل ما يخص اللغة.
أمثلة وتطبيقات على لغة PHP لتطوير مهارتك في اللغة.
تعلم البرمجة الكائنية بواسطة لغة PHP وتعرف على مفهومها العام.
Create Contact Form with PHP, Bootstrap and jQuery
تطبيق عملي على كيفية عمل نموذج إتصل بنا كاملا بكل خواصه.
Create eCommerce Shop With PHP, MySQL, jQuery, Bootstrap
تطبيق عملي على كيفية عمل موقع بيع وشراء منتجات لتطوير مهارتك في اللغات المستخدمة.
تعلم لغة التعامل مع قواعد البيانات MySQL بأمثلة عملية كثيرة.
تعلم كيفية التعامل الإحترافي مع نظام إدارة المحتوى WordPress وكيف تقوم بتثميم Theme إحترافي.
أسرار وخبايا لنظام Windows 10 لزيادة مهارتك في النظام.
أسرار وخبايا عامة في برنامج Photoshop لتطوير مهارتك في التصميم.
أسرار وخبايا عامة في مجال الإنترنت والكمبيوتر والتقنية.
أسئلة ونقاشات عامة في مجال البرمجة والتصميم والويب بصفة عامة.
برنامج اسبوع الزيرو هو برنامج عام للرد على الأسئلة العامة التي يكتبها الأعضاء في جميع مجالات الويب.
مصطلحات الكمبيوتر والويب العامة وشرحها بالتفصيل.
حل مشاكل برمجية في الكثير من المجالات على موقع Hacker Rank لزيادة مهارتك.
متابعة اسامة الزيرو
قناة Elzero Web School علي اليوتيوب
جروب Elzero Web School علي الفيس بوك
للاستفسارات الخاصة بتصميم و برمجة المواقع
في النهاية اشكر استاذ اسامه علي هذا اللقاء الجميل
