الانترنتوسائل التواصل الاجتماعي

حماية حساب الفيس بوك من الاختراق

مساء الخير , او صباح الخير على حسب بقى وقت مانت بتقراء .
ْ
بالنسبة للناس اللى اكونتها على طول في محولة للسرقة و مهدد انه يتسرق في اي وقت او يتقفل .. انا هشرح دلوقتي ازاي الهكر ممكن يسرق اكونتك و اازاي تحمي نفسك من ده .. و ازاي برضوه ممكن حد يقفلك اكونتك وازاي تخلي اكونتك استحالة يتقفل . و نبي طول بالك و اقراء البوست للاخر وانا مش هحاول اطول . بس عشان تستفيد ..
ْ
ْ
* لو مكسل تقراء فببساطة متدوسش على لينكات , متشتركش في تطبيقات , ابعت بطاقتك للفيس , حط رقم موبيل , متنزلش حاجة مش موثوق فيها , و مفيش ثغرات فمتقلقش يعني *
ْ
ْ
تفاصيل :
ْ
اول حاجة . لحد 2012 !
كان فيه ثغرات كتير تقدر تسرق بيها الاكونتات .
الثغرات كلها اترقعت و مبقاش فيه ولا ثغرة ..
ْ

> ثغرة استرجاع الحساب .
الثغرة الوحيدة اللى فضلت مستمرة هي ثغرة ان الهكر يبقى عنده 3 اكونتات فرند عندك و يعمل نسيت الباسورد او استرجاع الحساب و يطلب اانه يبعت كود لـ 3 اكونتات عندك و يختار الـ 3 اللى هو حاتطهم و يتبعتلهم الكود فيخش من الـ 3 اكونتات دول و ياخد الكود و يفتح بيه الاكونت بعدين يغير الباسورد و كل سنة وانت طيب الاكونت بتاعك بقى في ايده ..
ْ
<< ازاي تحلها ؟
حضرتك هتخش هنا : https://www.facebook.com/settings?tab=security&section=trusted_friends&view :
هتلاقي مكان فاضي كدا هتكتب فيه اسماء 3 اكونتات عندك انت واثق فيهم كويس اوي , او تعمل انت اكونتات و تعملها فرند عندك و تحطها هنا . حلو ! مابين 3 اكونتات لـ 5 يعني برحتك بس المهم اقل حاجة 3 . تمام ؟ كدا انت حطيت الـاكونتات اللى لو في مشكلة في اكونتك هما دول بس اللى هيوصلهم الرسالة فبالتالي انت قفلت على الهكر الطريق ده ..
ْ
> hotmail
دلوقتي الهوتميل اتقفل ! بقى الـ اوت لوك و كدا , لو انت مسجل الفيس بالهوتميل و قعدت سنة بعد ماتقفل مفتحتش الانبوكس خالص . الايميل بتاعك بيدلت فالهكر يقوم لو انت مسجل باكونت هوت ميل ! يجرب يعمل هوت ميل جديد باميلك , و غالباً محدش بقى بيفتح الهوتميل فهيتنجح معاه العملية .
ْ
<< ازاي تحلها ؟
بسيطة ! اعمل الايميل ميظهرش لحد غيرك ! او خش دلوقتي على الانبوكس بتاع الهوتميل بتاعك ولو لقيت الاكونت ادلت اعمل اكونت جديد بنفس الايميل او اعمل ايميل جديد و بدله بالايميل الموجود حالياً .
ْ
> اضافات Extensions
ممكن واحد يبعتلك لينك و الينك ده ينزل عندك اضافة خبيثة من غير ماتعرف و الاضافة دي تسحب بياناتك اللى ع المتصفح و ممكن تنزل ملفات ملغمة عن طريق ملفات الاضافة و تسرق المتصفح بتاعك او جهازك كله و تسحب بيانات الفيس كلها , عن طريق سحب كوكيز بقى و حاجات مش عاييز اطول يعني بقول المفيد .
ْ
<< ازاي تحلها ؟
بسيطة جداً ! حاجة من الاتنين اما متخشش على اي لينك وخلاص , اما انك كل شوية تمسح بيانات متصفحك , اما انك تنزل انت فيرس قوي يقفش الكلام ده بس في حالة ان الهكر فشيخ “” و دي استبعدها تماماً مفيش هكر فشيخ بيسرق اكونتات فيس و الهبل ده “” بيكون مشفر جامد فشخ و عامل حسابه , فالحل انك متخشش على اي لينكات و خلاص يعني تكون متأكد من الينك كويس اوي . و متحملش برامج او العاب من مصادر مش موثوق فيها .
ْ
> الصفحة المزورة
دي صفحة شبه الفيس بوك بظبط عبارة عن يوزر و باص لكن متوصلة بسيرفر الهكر بعدين لما تسجل يوزر نام و باسوردك بيحولك هو ع الفيس اوتو ماتك , ممكن يدهالك في كذا صورة , اول حاجة انه يبعتلك لينك و يقولك لايك ! فتخش تلاقي الفيس خرج فتسجل فيسرق بياناتك , او انه يعمل موقع العاب التسجيل فيه عن طريق الفيس هو صفحة مزورة , او انه يعمل حركة ازكى بكتير و تيجي تنزل لعبة او اي ملف ميبقاش ملغم او اي حاجة , هو وانت بتسطب ينزلك ملف هنا
C:\Windows\System32\drivers\etc\hosts الملف ده يسيطر على المتصفح يخلي url بتاع الفيس يفتح صفحته هو المزورة و تكتب البيانات و يسرقك برضه .
ْ
<< تحلها ازاي ؟
بسيطة خش هنا C:\Windows\System32\drivers\etc\hosts و افتهحه بالنوت باد او اي حاجة واتأكد ان مفيش حاجة فيه , وبرضوه متخشش على اي لينك وخلاص ومتنزلش من مصادر مش موثوقة , حتت انك تتاكد ان الـ url مكتوب فوق fb دي كانت زمان دلوقتي عادي ممكن اظهرلك الurl بurl ألفيس عن طريق اني اربطه بابلكشن الموضوع بقى سهل ..
ْ
> الاجابة على السؤال الامان
هنا الهكر بيجمع عنك شوية معلومات و يبدء يكلمك قبلها بفترة عشان يعرف اجابة سؤالك السري بطريقة غير مباشرة و يسالهولك بهزار او وسط كلام كدا يعني , بس دي مش هتنجح مع المصريين لان اغلبية الاجابة بتكون ملهاش علاقة بسؤال اصلاً grin emoticon
ْ
<< ازاي تحلها ؟
اعمل اجابة تكون ملهاش علاقة بسؤال و حاجة تفتكرها كويس . بس كدا !
اه و متثقش في حد من السوشيال عمتاً
ْ
> Acces Tokens
عارف اللى يوقلك انكر هنا و شوف صورتك بعد شخروميت سنة و شاهد هيفاء وهبي و هي بتقلع لاموغزة الاندر وير , و شوف المشهد المحذوف من فيلم رد قلبي و اكلام ده ؟ سيبك منه هو بيطلب منك الاكسس توكن و كدا عشان تسجل , الاكسس توكن ده زي الباسورد بظبط يقدر بيه يعمل اي حاجة في اكونتك ! يعمل بوست يشوف رسايل يعمل اي حاجة , الموضوع زمان كان ع البحري دلوقتي لازم تشترك في App عشان تاخد الاكسس توكن بتاعك , فانت متشتركش في اي app مش مضمون او متشركش خالص احسن . وخصوصاً skype ده ابن مرة اساساً grin emoticon
ْ
<< ازاي تحلها ؟
شيل اي ابلكشن مش مضمون عندك من هنا : https://www.facebook.com/settings?tab=applications&section=all :
و متشركش في تطبيقات نشر القران و الادعية الفشيخة و اكلام ده خاالص , و لو حصل و اشتركت ابقى دلت الابلكشن دلوقتي و خش غير الباسورد و دوس على log me from other devices فالاكسس توكن بتاعك هيتغير .
ْ
> الهندسة الاجتماعية
الاصعب طريقة فيهم و مش اي حد يعرف يستخدمها هي انك بتكون مهاري في اختراق العقول . ايوة الهندسة الاجتماعية تعرف بفن اختراق العقول , هي عبارة ان الهكر يكون مهاري و يعرف يكسب ثقتك و يطلع منك بيناتك بكل سلاسة و مهارة و متقلش مستحيل اقول الباسورد لحد و اكلام ده , والله انا اعرف اخليك تقلي مقاس ملابسك الداخلية لو حابب grin emoticon بس الموضوع بياخد وقت و جمع معلومات . ودي اخر وسيلة الهكر بيستخدمها و ده كدا يبقى محروق منك فشخ و خلاص فاضي و مروش حاجة غير انه يسرقك
ْ
<< ازاي تحلها ؟
لا دي ملهاش حل . متثقش في حد على الفيس و بس grin emoticon و اقراء عن الهندسة العكسية بحيث لما حد يضحك عليك تقلبها انت عليه ..

ْ
ْ

> بالنسبة بقى لقفل الاكونت <<
فده بشوية ريبورتات عبيطة يقفله , كل اللى عليك
هتخش هنا ” https://www.facebook.com/help/contact/319547548123767
و تكتب اسمك و ترفع بطاقتك , كدا انت اكدت هويتك . بعدين شوية Pokes زي الفل
هيلغوا الكام ريبورت . و اكونتك بقى نفسه متفاعل فاشطة يعني .

ْ
ْ
#شكراً و يارب اكون فيدكم

By Mohamed Magdy

Egyptian Shell Team – قراصنة مصر

Facebook Comments

مصطلحات البحث:

  • رساله ابعتها للفيس بوك عشان يفتحو الاكونت بتاعي
الوسوم
اظهر المزيد

Ahmed Negm

Ahmed Abdou Negm Graphic and Web Designer since 2009,writer and editor since 2011,Founder & Director DevField.Com

مقالات ذات صلة

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock