تخفيض اسعار الانترنت في مصر

نقلاً عن صفحة ثورة الانترنت المصري والتي اجتمع الادمن الخاص بها مع وزير الاتصالات

السلام عليكم ورحمة الله وبركاته
نتائج الاجتماع مع وزير الاتصالات
الغاء سرعة 512
سرعة 1 ميجا بقت ببلاش
سرعة 2 ميجا بقت ببلاش الا ربع
مفيش سياسة استخدام عادل
———————-
طبعا ده اللى معظم الناس عايزاه هنا ومش حاطة فى اعتبارها اى ظروف
سواء كانت البنية التحتية اللى متغيرتش من اكتر من 20 سنة
او اننا بنتفاوض مع الحكومة مش مع عم جابر البقّال .
———————-
يا ريت نكبر بتفكيرنا شوية ونعرف اننا ( ومعانا الوزير ) نفسنا الاسعار تبقى زى الاسعار العالمية وده هنوصله ان شاء الله ولكن خطوة بخطوة
مينفعش نعمل سرعات عالية ومعنديش بنية تحتية كويسة , بالشكل ده بدل ما الجودة متوسطة بسرعة قليل هتبقى السرعة عالية بس جودة زبالة
والنت هيفصل بعد 5 ايام من الشهر بسبب سحب السعة اللى تقدر تشيلها الخطوط المتهالكة .
———————-
لازم نعرف قبل ما نكتب نتائج الاجتماع ان الدولة دلوقتي بتحدث الخطوط الارضية للنقل من النحاس للفايبر ( وده بياخد وقت كبير )
الخطوط الارضية اللى عندنا فى مناطق كتير اقصى سرعات ليها 4 ميجا او 8 ميجا حسب المنطقة وفي مناطق بتوصل ل 48 ميجا بس ده نادرا
———————-
الاسعار والسعات اللى اقترحناها على الوزير
الغاء سرعه 0.5 ميجا بت
1 ميجا بت من 35 الى 50 جنيه (هذه السرعة كان من المقرر الغاءها ولكن اقترحنا بقائها لتكون بسعر مناسب لذوي الدخل المحدود )
2 ميجا بت من 95 جنيه
4 ميجا بت من 220 جنيه
8 ميجا بت من 400 جنيه الى 600 جنيه

اقترحنا ان يكون سياسة الاستهلاك العادل %33 من اقصى سعة تحميل لكل سرعة
وهو 105 جيجا بايت لسرعة 1 ميجا بت شهريا او 3.5 جيجا بايت يوميا
وهو 210 جيجا بايت لسرعة 2 ميجا بت شهريا او 7 جيجا بايت يوميا
وهو 420 جيجا بايت لسرعة 4 ميجا بت شهريا او 14 جيجا بايت يوميا
بعد سحب هذه السعة تقل السرعة الى 25% من السرعة الاصلية وليس 128 كيلو بت لكل السرعات !
بعد انتهاء السعة يكون هناك امكانية شراء سعة اضافية باسعار مناسبة تبدأ من جنيه الى 3 جنيه للجيجا الواحدة
تم ايضا مناقشة تقنين الوصلات غير الشرعية ووضع ضوابط لها
وفي النهاية اقر الوزير بموافقته المبدأية على هذه الاسعار والسرعات ( مع تعديل سياسة الاستهلاك العادل بما يتناسب مع متوسط الاستهلاك الشهري للعملاء وسيتم معرفة المزيد في هذه النقطة قريبا ) وسيتم مناقشة هذه الاسعار والسرعات مع الشركات فى الاجتماع المقبل نهاية الشهر الجاري.

وهذه الاسعار والسرعات هى اسعار مبدأية لم يتم نزول اى قرار بها من الشركات بعد
وهذه الاسعار خاصة بالمرحلة الحالية الانتقالية وسيتم تعديلها قريبا بعد تحديث البنية التحتية للدولة

‫#‏ثورة_الانترنت‬

 

تخفيض اسعار الانترنت في مصر , اسعار الانترنت الجديدة في مصر , تسعيرة الانترنت الجديدة , الاسعار النهائية لخدمات الانترنت جديدة في مصر