مراجعة OPPO N3 أكبر Flagship من شركة OPPO

نقلاً من صفحة Android Empire

أولا التصميم :

الجهاز شكله شيك جدا من وجهة نظرى ! grin emoticon
وزنه 192 جرام ومع ذلك مش حاسس انه تقيل لأن التصميم مريح جدا فى الايد !
الLED فى الجهاز موجودة تحت باسم Skyline 2.0 وميزتها انها بتنور سواء على وشه أو على ضهره بس للأسف بتنور باللون الأزرق بس.
مخرج السماعات عند الSkyline ودا مخليها مش بتتقفل سواء الجهاز خابط فى أى حاجة أو لا !
وطبعا بيلفت النظر شكل الكاميرا اللى بيلف بزاوية 270 درجة kiki emoticon

الشاشة :

شاشة الجهاز IPS LCD بحجم 5.5 إنش وجودة 1920*1080 يعنى 403ppi

نظام التشغيل :

بيجى الجهاز بنظام تشغيل Android 4.4.4 مع واجهة ColorOS 2.0
الواجهة خفيفة جدا وبتتميز ببرنامج الThemes اللى يخلينى أغير شكل الLockScreen والIcon Pack .
فى برنامج اسمه Security Center بيجى مع الColorOS واللى منه أقدر أقفل البرامج أول بأول بعد ماخرج منها عشان ماتستهلكش بطارية وأقدر أحط باسورد على أى برنامج أنا عايزه أو أخليه ميفتحش غير بالبصمة الخاصة بيا ! grin emoticon
برنامج الSecurity Center بيسمحلى انى اعمل Block لنمر معينة كمان واشوف استهلكت أد ايه من الData !
فى الGuest Mode فى الجهاز اللى بيخلينى أظهر البرامج والصور والContacts والفيديوهات اللى أنا عيازها بس فى حالة ان حد تانى ماسك الموبايل غيرى !
اقدر كمان اعمل Quiet Mode واللى منه بختار وقت معين الجهاز يقفل فيه الشبكة وميستقبلش مكالمات الا من نمر معينة !

الColorOS بيسمحلى أعرف سرعة النت وأنا شغال عليه كمان !
والميزة المفضلة بنسبة ليا هى الGestures اللى منها أقدر اتحكم فى الأغانى بالكامل والشاشة مقفولة عن طريق انى ارسم على الشاشة !
أو أفتح الكاميرا بسبب الGestures دى !
أو أصور بالكاميرا والشاشة مقفولة تماما !

المعالج :

الجهاز شغال بQualcomm MSM8974AA Snapdragon 801 مع بروسيسور Quad-core 2.3 GHz Krait 400 و 2GB RAM
الجهاز مع الشغل الطويل ولعب كتير عليه من ألعاب تقيلة زى الAsphalt 8 مهنجش وموقفش خالص لكن بقى دافى حبة صغيرين عند الحتة بتاعة الFingerprint Scanner بسبب ان ايدى على الجهاز على طول !

الكاميرا :

الكاميرا 16MP بدقة 3456*4608 !
مظنش مسكت كاميرا فى موبايل بالجودة دى قبل كدا ! grin emoticon
و بيميزها الExpert Mode واللى منه اتحكم فى الISO والExposure Compensation والMF !
اقدر اصور منه كذا صورة على شكل GIF !
واقدر أصور صورة Ultra HD يجودة 64MP تقريبا ! grin emoticon !

طبعا هى كاميرا واحدة واستغلوh الموضوع دا فى الAuto Panorama انى أقدر أصور صورة Panorama من غير ماحرك الجهاز وبيخلينى أصور Selfie بجودة ممتازة خصوصا بسبب ميزة الBeautify اللى فى الجهاز اللى بتظبط الشكل ! grin emoticon

المساحة :

المساحة الداخلية 32GB منهم 6.27 متاخدين للSYSTEM نفسه !
اقدر احط SD CARD بس دا هييخلينى اشيل خط من الخطين اللى أقدر أدخلهم فى الجهاز !

البطارية :

حجم البطارية 3000mAh وممتازة جدا معايا رغم ان استهلاكى تقيل ( الWi-fi مفتوح 24 ساعة مع استعمال متواصل لبرامج زى الBBM والWhatsapp والFacebook وألعاب زى Asphalt )

طبعا بيجى مع الجهاز الMini VOOC اللى بيسمحلى انى أشحن الجهاز من 0 إلى 75% فى نصف ساعة بس !
ودى ممتازة جدا خصوصا لو خارج ونسيت تشحن الجهاز ! grin emoticon

الجهاز هيكون متوافر فى مصر فى كل الأماكن فى اخر الأسبوع دا بسعر 5000 جنية مصرى !

شاركنا برأيك في الهاتف علي صفحتنا في الفيسبوك Devfield

 

مراجعة OPPO N3 أكبر Flagship من شركة OPPO