تعرف علي هواتف شاومي_Xiaomi

0 12
Xiaomi
Xiaomi

 

شاومي_Xiaomi
للي ميعرفش شاومي … دي شركة صينية متخصصة في مجال صناعة الأجهزة الذكية ، أو بمعنى أخر هي Mobile Internet Company.
الشركة دي اتأسست من 6 سنين يعني من 2010 على ايد واحد اسمه
” 雷军 – Lei Jun ”
الشركة توسعت و بقت بتقدم موبايلات و Tablets و تلفيزنات و Power Banks و smart home devices.
اللوجو بتاع الشركة عبارة عن حرفين ” MI ” *هتلاقيه في أول صورة *
الرمزين دول بيرمزوا لكلمة ” Mobile Internet ” أو ” Mission Impossible ” زي ما هم ما كتابين على موقعهم الرسمي 😀

الشركة جابت مصمم مشهور اسمه ” Philippe Starck ” و قدرت انها تقدم مفهوم موبايل جديد اسمه ” Xiaomi MIX “

الموبايل دة و اللي ظاهر قصادكم في تاني صورة جاي بشاشة ابعادها 6.4 انش و اللي بتمتد من الحافة للحافة لدرجة انها بتغطي حوالي 91.3% من حجم الموبايل ، أما بالنسبة لـ جسم الموبايل فـ مصنوع من السيراميك و بيجي بلون أسود لامع 😀 و في نسخ خاصة بتنزل منه بتبقى دهب عيار 18 😀 😀

Xiaomi
Xiaomi
Xiaomi
Xiaomi

أكيد هيجي في دماغك: ” طب الموبايل دة مفهوش كاميرة أمامية ، طب الـ Approximate Sensor بتاع المكالمات … الشاشة مش هتقفل Automatic لما أحط الموبايل على ودني !!!
اييييه دة !! طب فين السماعات اللي هرد بيها لما يجيلي مكالمة اساساً !!!!! ???

= نمسكهم حاجة حاجة 😀
+ صاحب الشركة ” Lei Jun ” بيقول أنهم قعدوا 3 سنين يدرسوا موضوع استبدال السماعات دة 😀
لغاية ما توصولوا لـ “piezoelectric speaker”.
فكرة الـ piezoelectric عموماً من خلال دراستي ، هو عبارة عن عنصر بيحول ال Vibrations لكهربا …. طب لو اديته كهربا !! هيحولها لـ Vibration ، العنصر دة هتلاقيه في أجهزة كتيرة جداً ، ابسطهم الآلة الحاسبة اللي بتعمل صوت 😀
*متنساش أنك في العلوم اللي كنت بتدرسها في اعدادي دي كنت بتاخد ان الصوت اصلاً عبارة عن اهتزاز طبقات الهواء فيما يعرف بـ تضاغط و تخلخل ” :]

فـ فكرة الـ piezoelectric speaker هنا أن Signals الصوت اللي هي كهربا أصلاً 😀 الموبايل هيوصلها للـ piezoelectric speaker فتبدأ تهتز و تهز الـ Frame بتاع الموبايل و الاهتزاز بتاعها يهز طبقات الهوا و يوصلك الصوت لودانك 😀

= طب بالنسبة للـ Approximate Sensor يا عم Lei Jun !!
*ملحوظة* الـ Approximate Sensor عبارة عن LED بيطلع اشعة تحت حمراء زي اللمبة اللي في ريموت التلفزين دي 😀 عينك مش بتشوفها فبمجرد ما ما تقرب ودنك منها و تمنع عنها الضوء الخارجي تبدأ الشاشة تقفل Automatic.
+ قالك أحنا هنا حطينا مكانه ultrasonic sensor تحت الشاشة يبعت اشارات صوت فوق سمعية أنت متحسش بيها تبدأ الاشارات دي تكشف عن وجود أي عنصر قريب من الشاشة و تبدأ أنها تقفل Automatic بردو 😀

= طب بالنسبة للكاميرا الأمامية !!
+ قالك دي بقى نقلناها تحت على اليمين 😀

= طب بالنسبة لمواصفات الجهاز دة يا عم Lei Jun @!!!
+ والله يا ابني أحنا بنقدم حاجة محترمة يعني ، زي الكتاب ما بيقول ، مش بعد التعب اللي تعبناه دة كله و هنحط فيه امكانيات أي كلام يعني !!
* Processor: Snapdragon 821 chip at 2.35GHz
دة تقريباً أحسن بروسيسور لغاية دلوقتي ، و دة اللي جوجل استخدمته في موبايلها الجديد “Pixel”
* Battery: 4400mAh
و دي حاجة جبارة يعني من وجهة نظري 😀

= طب بالنسبة لتمنه طيب يا عم Lei !
+ والله يا ابني احنا فكرنا و قولنا هنعمل منه نسختين:
1) النسخة أم 4 جيجا رام و مساحة تخزينية 128 جيجا : دي هبيعها بـ $517
2) النسخة أم 6 جيجا رام و مساحة تخزينية 256 جيجا و اللي فيها دهب عيار 18 : دي هبيعها بـ $590
هو أحنا أقل من iPhone ولا اييييييه !!!

by

Mohamed Khaled Farou

قد يعجبك ايضا المزيد عن المؤلف

تعليقات

Loading...